Lúsaleitin mikla

Netgrein Halldórs Jónssonar

Já, vitið það strákar... ég veit ekki með þessa grein:

Vilji maður flytja hund til landsins er hann settur í einangrun úti í Hrísey til langtíma. Það má ekki flytja beljukyn til landsins sem mjólkar meira. Það má ekki flytja inn arabíska stóðhesta, eða setja sænskar geddur í Þingvallavatn. En það eru engin takmörk fyrir því hversu margir eða hvers konar útlendingar mega flytjast hingað.

Það getur kannski verið að einhverjum finnist það undarlegt að hundar og útlendingar njóti ekki sömu meðferðar við komu til Íslands, að þeir þeir fyrrnefndu séu aflúsaðir og settir í sóttkví en þeir síðarnefndu ekki, en ég tilheyri ekki þeim hópi og finnst leiðinlegt ef margir gera það.

Óskráður (Pawel Bartoszek), 12.4.2007 kl. 12:05

 

Tókst þér við lúsaleit að finna eitthvað neikvætt í grein Halldórs? En gættu þess, að hann er ekkert að tala um að útlendingar séu "aflúsaðir" né látnir fara í sömu meðferð og skepnur við komu til landsins. Oftúlkun þín, Pawel, er mistúlkun.

Jón Valur Jensson, 12.4.2007 kl. 12:17

Persónulega, finnnst mér gaman að fólk skuli rifja upp liðna tíma með söknuð i brjósti. Auðvitað er ég ekki svo gamall að ég muni eftir þessu öllu sem Halldór minnist á. Mamma vann úti og ég gekk í leikskóla, þó ég hafi ekki fengið lús í leikskóla þá fékk ég lús í Háskólanum. Mér til mikillar furðu komst ég aldrei að því hvaðan þessi litla drottning kom sem lifði í mínu hári.

Ég var þó ekki settur í einangrun heldur stóð vinkonan yfir mér og gerði dauðaleit. En hver veit, kannski væri Ísland betur sett ef ,,hvítir"(við skulum ekki gleyma þeim rasisma) Bretar og Kanar keyptu ennþá fiskinn og fífluðu konur okkar. Miðað við skrif Þorsteins frá Hamri, Ástu Sigurðardóttur, Indriða G. Þorsteinsonar og Guðbergs Bergssonar voru Kanar ekkert sérstaklega skemmtilegir við okkur sem þjóð. Litu eiginlega niður á okkur að því sem ég gat best séð þegar ég les skáldsögur og glugga í sagnfræðibækur. Kannski er þetta því rithöfundar á þessum tíma voru vinstrisinnaðir - en það má svo sem spyrja sig líka: vorum við svona auðkeypt? Fiskur, tyggjó og kóka kóla. Þetta minnir mann á Skaupið um áramótin þegar ,,samið" var um brottför hersins. Greinilegt að fiskurinn okkar og konurnar eru úrelt fyrirbæri. Það er meiri peningur í olíunni.

Sem krakki hafði ég ekkert á móti Dönum, í staðinn fyrir að eyða jólunum í Hollandi eitt skipti eyddi ég þeim bara í Kaupmannahöfn og mér fannst það bara helvíti skemmtilegt, komst í kynni við furðulegar venjur eins og að segja ,,takk" og möndlugraut. Síðar meira heima komst ég af því að það væri ,,séríslenskt" fyrirbæri að sögn margra. Og þegar ég var ungur voru Þjóðverjar bara kjánar, til leiðinda og kunnu ekki að meta Hollendinga almennilega að því að sem mér fannst.

Hvað varðar Biblíuþýðingar. Rangur texti er væntalega tilkominn vegna mistaka í þýðingu þótt flestum tilvikum það sem kallast ,,að breyta merkingu" orðanna sbr. orðið kynvillingur.

Kannski er ég skrýtinn og Pawel líka, því eins og hann benti á þykir manni það furðulegt að líkja stóðhestum við útlendinga. Samkvæmt þessu ætti ekki að setja ferðamenn einnig í sóttkví áður en þeir stigu fæti á blessaða landið? Jafnvel væri hægt að nota að hluta til herstöð sjó-flug hersins undir slíka starfsemi. Þetta gæti verið eins og aloha siður Hawaiibúa. Ef þér viljið koma til landsins farið þér á svæði E, hundar á svæði B, hestar á svæði C, engar beljur takk fyrir. Ferðamenni þyrftu þó ekki að umgangast innflytjendurna. Það væri ekki við hæfi. Einnig fengi Bandaríkjamenn sérmeðferð.

Hér er mín tillaga um spurningalista(kann því miður ekki pólsku en mun vinna í því):

1. Are you an axe murderer? (If yes, go back. If no, continue questions).
2.  Have you murdered someone and not been caught?(Augljóslega, því maður situr ekki inni en samt ætti maður að vera spurður. Halldór er sniðgur) (If yes, go back. If no, continue).
3.  Are you HIV inffected?(Persónuvernd, en vitaskuld væri ekki vitlaust að þetta yrði skráð hjá heilbrigðisþjónustunni. ,,Við" eigum ekki að vita það per se)
4. Are you a paedophile? (Æi, hver segir já?)
5. Are you a racist? ( Fæstir viðurkenna það?)
6. Do you promise to say ,,Ísland er best í heimi? ( Þessi spurning skiptir í raun og veru öllu máli, hinar eru blekking ein og uppspuni frá rótum).

,,Okkur er sagt að ríkið verði bara að kenna þessu fólki íslenzku á okkar kostnað svo verði þeir jafngóðir Íslendingar og við gömlu bísarnir. Ekki er spurt hvort innflytjendurnir yfirhöfuð vilji læra íslenzku eða geti það. Hvort þeir eftir það muni lesa Sturlungu eða biblíuna nýþýdda hefur ekki frétzt. Heldur ekki hvort ríkið ætli að láta þýða Kóraninn á íslenzku svo að innfluttir geti lesið hann á nýja móðurmálinu. Komumst við hjá því til lengdar með tilliti til jafnræðisreglanna, sem nú eru í tízku?"

Eitt skil ég ekki en það er þessi þráhyggja um að tönnlast á orðinu tízku. Þetta er í tísku, post modernismi er í tízku, siðferðisleg hnignun er í tízku. Auðvitað er aldrei hægt að fullyrða um það að einhver vilji læra íslenzku. Hvað varðar getu þá er það annað mál. Það eru margar ástæður fyrir því að læra ekki önnur tungumál. Sumir sjá engan tilgang í því, sbr. Bandaríkjamenn sem kunna varla ensku sjálfir. Aðrir nenna því ekki og eru sumir Íslendingar þannig erlendis. Aðrir eiga bara mjög erfitt með það ef þeir eiga að vinna að baki brotnu og fá ekki tíma til þess, inn á milli þess sem það þarf kannski að reyna eyða tíma með fjölskyldunni. Hvert tilvik fyrir sig er sérstakt og eru innantómar fullyrðingar leiðinlegar og til skammar. Það er ekki sjálfgefið að læra beygingarmál ef þú vanur ert tónamáli, eða sjálfgefið að læra hk. eða að læra að öll orð hafi kyn. Eða læra nýtt fall eða öll föll.

Mér finnst þessi elítismi samt furðu fyndinn. Íslendingasögurnar og Halldór Laxness eru ávallt notaðar sem einhver menningarök. Ég veit ekki hversu oft ég hef lent í því að heyra Íslending tala um hversu leiðinlegar Íslendingarsögurnar eru. Yfirleitt fékk ég síðan að heyra að ég væri með vinstri slagsíðu og ætti að hætta þessu tauti um bækur.  Enski boltinn er víst mælikvarði þess sem er íslenskt nú á dögum.

Það er undantekning að einhver dásemi Íslendingasögurnar og í flestum tilvikum var um íslenskunema( sem er yfirleitt sakaður um að vera lopupeysu kommi) að ræða eða doktorsnema í norrænum fræðum. Skil heldur ekki hvernig Bíblían eigi að vera einhver meiri menningarfjársjóður landsins frekar en kviður Hómers, eða dæmisögur Æsóps.(Hlakka sérstaklega að heyra frá Jóni Val). 

Auk þess er það er til marks um hóruskap margra sem hallmæltu Laxness að þeir skuli voga sér að setja bækur hans upp í hillu til skrauts. ,,Getur hann ekki bara lesið Kiljan á útlenzku ef hann vill og flestir innfæddir tala ensku". Kannski er Laxness gott dæmi því hann sýnir tvískinnung flestra í þessum málum. Það væri forvitnilegt að vita í raun og veru hversu mikið Laxness er lesinn , að því sem ég hef best séð liggur hann bara upp í hillu til skrauts hjá mörgum. Hvað varðar Kóraninn þá er þetta allt þetta bara götustrákatal. Veit ekki til þess að íslamskar þjóðir séu hlutfallslegri stærri hópur sem flytja hingað en til að mynda Danir eða Svíar.

,,Það talar enginn íslenzku við okkur þegar við förum til útlanda". Nei, hvorki Danir, Svíar né Norðmenn gera það. Þeir ætlast til þess að maður geri sig skiljanlegan á sænsku eða eða maður séu mellufær á dönsku með án tónar til þess að eiga samskipti. Fæ leiðindasvip ef ég segi eitthvað á íslensku.

Hins vegar er töluverð hræsni í þessum málum því enginn segir neitt við enskumælandi fólk þegar það nennir ekki að læra málið. En það er allt annað ef maður talar arabísku, japönsku eða persnesku. Þar af auki veit ég ekki hversu oft ég hef verið spurður heima ,,Can I help  you". Þar virðist vera einhver margfaldur persónuleiki í þjóðinni hvað þetta snertir. Við verðum öll stolt þegar útlendingar hrósa enskukunnáttu okkar en þegar einhver sem kemur frá ,,framandi" menningarsvæði sem kann hvorki ensku og erfitt með íslenskuna þá verðum reið ef viðkomandi kann hvorki ensku eða íslensku. Samt gæti þessi manneskja talað spænsku, portúgölsku, frönsku og eitthvað Berber tungumál. 

 

Athugasemdir

[Laufey Ólafsdóttir, 12.4.2007 kl. 17:42]

Þarf maður að lúsaleita þessa grein Halldórs til að finna í henni e-ð neikvætt? Ég þyrfti að lúsaleita hana til að finna e-ð jákvætt... og sennilega henda út orðum líka.

Þarf maður ekki enn að fylla út svona álíka gáfulegan lista þegar maður sækir um landvistarleyfi í USA? Ég man eftir að hafa hjálpað bróður mínum að fylla hann út og við hlógum svo mikið yfir þessu... minnir að drengurinn hafi verið 9 ára!  Ég man að það var ákaflega freistandi að krossa við að hann væri samkynhneigður terroristi með berkla á flótta undan lögunum!

Það er svo skrýtið með stefnu Frjálslynda flokksins. Stefnan er voða pent matreidd og vel framsett og mjúki maðurinn Guðjón í forsvari svo allt virðist vera í lagi. Svo sér maður þarna Jón Magnússon hylla svona rugl og ekki eru nú hans skrif skárri! Hvað er í gangi þarna??? þessi Halldór Jónson segir nú bara blákalt að hann sé rasisti  sem er nú sauðahús útaf fyrir sig.

...ég fæ oft leiðindasvip ef ég segi eitthvað á íslensku, en það er af öðrum ástæðum. ...og ég segi nú bara með þér, hvað er svona íslenskt við kanasleikju og biblíukennslu? Ég heyri nú bara hann afa minn fussa að handan yfir þessari vitleysu! 

[Marvin Lee Dupree, 12.4.2007 kl. 18:18]

Láttu ekki svona, hann var lúsugur og með hor í nefið í æsku, auk þess berklahræddur og guðhræddur maður.

Persónulega, vil ég trúa því að þetta sé vel meint - en auðvitað bara miklir fordómar sem búa á bak við.

Hehe, já þú mátt ekki gleyma ,,communist".

Ég á voða erfitt með að skilja þessa stefnu þeirra. Sumir segja eitt, aðrir annað. Og líka bara öll þessi umræða um Hjört og Framfaraflokkinn og Magnús er furðuleg. Þetta er samt spennandi. Þessi gmaria t.d. virkar voða fín, en síðan eru aðrir sem eru augljóslega bara rasistar sbr. þessi sem kallaði mig hörundssáran. Er það víst.

Afi þinn var vitur maður. Nú ætla ég að flétta honum og þér upp í Íslendingabók ef það er hægt. Það er íslenzkt!

[Laufey Ólafsdóttir, 12.4.2007 kl. 20:01]

Communist var definitely með! Við hlógum einstaklega mikið að því því það orð var alltaf notað sem "term of endearment" á mínu heimili .

Afi var hetjan mín og flettu okkur endilega upp! Ég er að hugsa um að setja hér inn smágullkorn sem hann kenndi mér þegar ég var krakki við mikinn fögnuð:

Presturinn í stólinn sté,

steig hann síðan út og mé,

allir óðu upp í hné,

lítið sveinbarn drukknaðe.

Það er ekki líkt mér að muna kveðskap svona alveg utanað en þetta er klassík! Ég veit því miður ekki hver höfundur er en þetta er snilld.